အသည်းနှလုံးမှ ယိုစီးလာသော
သွေးတို့နှင့်အတူ ငါ၏ချစ်ခြင်းအား
မင်း ယုံကြည်စေရန် သစ္စာဆိုချင်သည်
ချစ်ခြင်းရဲ့အတ္တတွေထဲ
ငါဟာနစ်မွန်းရင်း
နစ်မွန်းခြင်းရဲ့ အရသာကို
တပ်မက်ချင်နေသည်
ချစ်ခြင်းတွေကို အရင်းတည်ပြီး
ကျရှုံးခဲ့တဲ့ အရှုံးအပေါ်
ငါဟာ ပျော်ဝင်နေချင်သည်
ကြေကွဲခြင်းနဲ့ ၀မ်းနည်းမှု့အတွက်
စီးကျလာသော မျက်ရည်တွေနဲ့
ပူလောင်မှုတွင်
ငါ့ချစ်ခြင်းကို လောင်မြိုက်ချင်သည်။
Monday, June 4, 2012
Sunday, June 3, 2012
အမေ
ဇမ္ဗူတိုင်းမှာ အဖြေညှိပြရင်
အပူလှိုင်းဖြာ ဝေဒနိကတွေနဲ့
လူတိုင်းမှာ အမေရှိကြတယ်
မရေမရာ ပဟေဠိတွေကြောင့်
အသေအချာ မသိတောင်မှ
အမေရှိတယ်
ချစ်သဒ္ဒါဝေကဲ
ပြည့်တန်ဆာအမေလည်း အမေ
အကြွေးကြွယ်လှတဲ့
ဈေးသည်မအမေလည်း အမေ
အကြောင်းတရား အခြေမွဲ
သူတောင်းစားအမေလည်း အမေ
သားသမီးတွေ ကြီးပွားစေရော့လို့
စီးပွားမထွေထွေ
စိန်ရွှေပတ္တမြား အိပ်မြေကားနဲ့
ငွေသားအမွေ
ပေးနိုင်မှအမေမဟုတ်
ယိုင်နဲ့နဲ့တဲအတွင်း
လှဲခင်းအိပ် နေစရာ
အရိုးဟင်းတစ်ဖဲ့စီက
ထမင်းရည်ပူအတူသောက်
ဗိုက်မှောက်တော့အတူတူ
ခြင်ထောင်မရှိ ခြုံစောင်မရှိ
ခင်းအိပ်စရာ ဖျာမရှိလို့
ခြင်ကိုသွေးလှူ အတူတူ
ကြမ်းပိုးသွေးလှူ အတူတူ
အပူကိုမျှဝေ
ဒုက္ခကို ပိုမိုလေးနက်စေ
ပညာအမွေရွှေအိုး
ရိုးသားမှု့ ဂုဏ်သိက္ခာ
မေတ္တာအကြင်နာမှတစ်ပါး
အခြားပေးစရာ အထွေထွေမွဲသော်လည်း
အမေဟာ အမေပဲလေ
ရဲထွန်းဦး(မော်လမြိုင်)
Subscribe to:
Posts (Atom)